A Escola Galega de Administración Pública e a Deputación Provincial de Ourense convocan un curso de análise do custo efectivo dos servizos públicos municipais destinado ao persoal da Administración local de Galicia.
Os obxectivos desta actividade son:
-
contribuír a que os empregados públicos se introduzan na contabilidade analítica pública que por primeira vez será obrigatoria á hora de calcular os custos efectivos dos servizos públicos locais e incidir na obrigatoriedade do envío de datos ao Ministerio de Facenda para a súa publicación
-
actualizar os coñecementos do marco normativo de desenvolvemento do novo artigo 116 ter. Custo efectivo dos Servizos da Lei de bases de réxime local
-
dar a coñecer e debater o alcance e efectos xurídicos que ten a nova obrigación de calcular o custo efectivo dos servizos públicos por parte das entidades locais
-
coñecer e dominar as ferramentas e procesos para efectuar o cálculo do custo efectivo, según os criterios e metodoloxía da Orde Ministerial e da Resolución do 23 de xuño de 2015.
Destinatarios: funcionarios das entidades locais con habilitación de carácter estatal e persoal técnico e administrativo ao servizo da Administración local que ocupe postos de responsabilidade na xestión de servizos públicos locais.
Edicións: unha.
Duración: 25 horas.
Prazas: 35.
Lug ar de realización: Aulas do Centro Cultural Marcos Valcárcel (rúa Progreso, 30-2º, Ourense).
Datas: 12, 13, 14, 15, 19, 20, 21 e 22 de decembro de 2016.
Horario: das 16.45 ás 20.00 horas.
Matrícula: desde as 8 horas do 26 de novembro ata as 14 horas do 3 de decembro en
http://egap.xunta.gal/matricula
Máis información no
DOG do 25 de novembro ou na
ficha do curso