Escola Galega de Administración Pública
Xunta de Galicia - Vicepresidencia e Consellería de Presidencia, Administracións Públicas e Xustiza
Mapa web   |   Accesibilidade   |   Contacto
EGAP EGAPFORMACIÓN EGAP ABERTA EGAP HOXE EGAP A MÁIS

AVISO E RECOMENDACIÓN: O seu navegador web (Internet Explorer 6) está obsoleto o cal pode provocar que certos elementos se mostren descolocados ou non se carguen correctamente. Ademáis, tampouco poderá ver ben, populares webs como Youtube ou Facebook, entre outras moitas. Recomendámoslle actualizar o seu navegador nos enlaces seguintes:

Internet Explorer Mozilla Firefox Google Chrome Apple Safari Opera
  • Imagen 1 de 7  

    A directora da EGAP aposta por promover un modelo de urbanismo que contribúa a un desenvolvemento máis racional e equilibrado do territorio

    Cursos / Martes, 21 de Novembro de 2017.

    A directora da Escola Galega de Administración Pública (EGAP), Sonia Rodríguez-Campos, e a directora xeral de Ordenación do Territorio e Urbanismo, Encarnación Rivas, inauguraron esta mañá na EGAP o curso monográfico A nova configuración xurídica do urbanismo e do patrimonio cultural en Galicia.


    Durante o acto, a directora da EGAP recoñeceu que nos últimos anos se produciron importantes avances na creación dunha conciencia colectiva favorable ao urbanismo sustentable, o que debe ser entendido como unha oportunidade para repensar a actividade urbanística, apoiando un modelo que contribúa a un desenvolvemento máis racional e equilibrado do territorio e que axude a protexer a nosa paisaxe.

    Sonia Rodríguez-Campos sinalou como un dos principais problemas do urbanismo a falta de cumprimento da lexislación vixente. Para contribuír a atallar esta lacra, recomendou ofrecer unha formación especializada para aquelas persoas que se dedican ao urbanismo, non só no eido da Administración pública, senón tamén entre os que dende as súas profesións privadas desenvolven os seus traballos neste campo.

    Finalmente, a directora do organismo destacou a formación ofrecida pola EGAP nos últimos anos en materia urbanística e puxo en valor o carácter práctico e rigoroso deste curso monográfico, ao que asistiron 280 persoas.  
  •   Anterior Seguinte  
    Pax 629 de 630
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Turismo de Galicia