Administración única e Estado autonómico

Resumo

O relatorio céntrase inicialmente na caracterización do Estado autonómico como o modelo de Estado que se implantou dentro da nosa orde constitucional. Seguidamente refírese á proposta de descentralización administrativa do Sr. Presidente da Xunta de Galicia. Proposta que non é propiamente de Administración única, senón dunha determinada racionalización da Administración estatal baseada na eliminación de duplicidades por medio da asunción de novas competencias polas Comunidades Autónomas. Por último, analízase a incardinación da proposta anterior dentro do marco constitucional do noso Estado autonómico.

Palabras chave:

Estado, administración única, Comunidades Autónomas, Constitución, competencias, autonómico, constitucional