Revista Galega de Administración Pública

O benestar animal e a neutralidade na educación como límites á liberdade relixiosa

Omar Bouazza Ariño — Fri, 11 Jul 2025 00:00:00 +0200

O obxecto deste traballo consiste na análise de tres resolucións recentes do Tribunal Europeo
de Dereitos Humanos sobre liberdade relixiosa onde se validan as solucións ofrecidas a nivel nacional,
prevalecendo os límites de interese xeral fronte ao exercicio pacífico do dereito.1

Tributación dos excesos de adxudicación

María Dolores Rivera Frade — Fri, 11 Jul 2025 00:00:00 +0200

O estudo da tributación dos excesos de adxudicación achéganos á problemática que rodea as
disolucións ou extincións das situacións de condominio, tema complexo e extremadamente casuístico.
A discutida tributación das extincións de condominio deu lugar a diferentes pronunciamentos xudiciais,
e digo diferentes porque neles se deron distintas respostas, que encerran pola súa vez unha diversidade
de cuestións, ningunha delas exenta de polémica. Ao longo destas liñas centrareime principalmente na
postura dos tribunais á hora de resolver recursos contencioso-administrativos contra actos de natureza
tributaria onde a cuestión litixiosa xira arredor da tributación destas formas de pór fin a situacións de
copropiedade.

Crónica de xurisprudencia

Francisco De Cominges Cáceres — Fri, 11 Jul 2025 00:00:00 +0200

Xurisprudencia contencioso-administrativa

O proceso de garantía para a unidade de mercado. Exame de eficacias e ineficiencias

Luis Miguel García Lozano — Fri, 11 Jul 2025 00:00:00 +0200

Neste traballo procedemos a analizar o proceso especial para a unidade de mercado, creado en
2013 por medio da Lei de garantía da unidade de mercado. O dito proceso xudicial presenta unha serie
de inconvenientes e problemáticas que fomos analizando ao longo deste, de cara a realizar propostas
de lege foerenda tendentes a que, no seu día, poida mellorarse o proceso, o texto regulativo e a calidade
deste.

El papel de las diputaciones provinciales desde la perspectiva del gasto y los ingresos: situación actual y potenciales líneas de mejora

Alberto Vaquero García — Fri, 11 Jul 2025 00:00:00 +0200

Aínda que se realizaron numerosos estudos en materia orzamentaria e financeira dos concellos en España, prestouse escasa atención ás deputacións provinciais desde esta perspectiva. Esta carencia tamén se observa en Galicia, o que resalta a necesidade de avaliar os gastos, ingresos e a solvencia orzamentaria das catro deputacións provinciais. Este traballo permite identificar, a partir dos dereitos e obrigacións recoñecidas netas publicados polo Ministerio de Facenda, distintos comportamentos respecto a as políticas de gasto de cada entidade, o cal é crucial dada a pequena escala dos municipios en Galicia. Finalmente, sinálanse unha serie de actuacións para mellorar o papel dos entes provinciais en Galicia no marco local desde a óptica orzamentaria e financeira.

Claridade na linguaxe da Administración e colectivos vulnerables na España multilingüe. Especial atención á lingua asturleonesa

Álvaro Rosales Fernández — Fri, 11 Jul 2025 00:00:00 +0200

Os xuristas deben asumir que a claridade na linguaxe representa un paradigma do proceso de
lexitimación das normas, xa que os cidadáns deben comprendelas de cara á súa validez e eficacia. Este
feito cobra especial relevancia cando se poñen de manifesto situacións de vulnerabilidade, o cal obriga os
poderes públicos a remover calquera causa de discriminación.1
En suma, a realidade plurilingüe de España representa un reto comunicativo nas comunidades autónomas
con linguas cooficiais, onde hai un dereito de opción lingüística. Ademais, a existencia de territorios
que optaron por un recoñecemento estatutario distinto da cooficialidade obriga a valorar as consecuencias
deste modelo en relación con posibles causas de discriminación.

Vulnerabilidade dos procesos electorais ante o mal uso da intelixencia artificial

Irene González Martínez — Fri, 11 Jul 2025 00:00:00 +0200

Os procesos electorais democráticos susténtanse na libre formación da opinión pública, baseada en información veraz, plural e contrastada, e expresada libremente mediante o voto. Porén, nun entorno onde resulta cada vez máis difícil discernir entre información veraz e desinformación, e onde as redes sociais están a substituír os medios de comunicación tradicionais como fontes informativas, xorde a pregunta de se a formación da opinión pública continúa a ser verdadeiramente libre. Esta preocupación intensifícase co avance da intelixencia artificial, que permite difuminar a verdade e condicionar a liberdade de elección mediante deepfakes, propaganda computacional e segmentación algorítmica, plantexando un novo desafío para o cal o noso sistema electoral podería non estar adecuadamente preparado.

Emergency law and disinformation: an analysis of Article 36 of the EU Digital Services Act

Daniele Marongiu — Fri, 11 Jul 2025 00:00:00 +0200

This paper examines how the Digital Services Act (DSA) of the European Union regulates the
specific profile of crisis response by social networks, as defined by Article 36 of the DSA and Whereas 91.
It focuses on the mechanisms through which social networks, in emergency situations, must curb theproliferation of disinformation that risks polluting information flows.

Rodríguez-Campos González. O Estado como empresa e a defensa do patrimonio cultural: o marco legal da rede nacional de paradores.

Carlos de Román Castro — Fri, 11 Jul 2025 00:00:00 +0200