Revista Galega de Administración Pública

O Imposto Compensatorio Ambiental Mineiro como tributo propio de Galicia: exame conforme ao ordenamento xurídico da Unión Europea

José Manuel González Dona — Fri, 14 Mar 2025 00:00:00 +0100

As facultades normativas das rexións pertencentes aos Estados Membros atópanse limitadas polas disposicións comunitarias. É por iso que mediante o presente artigo farase un estudo consonte ás disposicións do Dereito da Unión Europea dun tributo propio do sistema fiscal galego con finalidade de proteción á natureza como é o Imposto Compensatorio Ambiental Mineiro. Con este fin, efectúase un primeiro momento unha exposición dos diferentes elementos do tributo, tanto de carácter obxectivo como subxectivo para, posteriormente, levar a cabo unha análise do mesmo consonte ao Dereito Europeo da competencia e ás diferentes liberdades de circulación interior proclamdas polos Tratados.

xurisprudencia contencioso-administrativa

Francisco De Cominges Cáceres — Fri, 14 Mar 2025 00:00:00 +0100

Martín Fernández, Carmen, El régimen sancionador de la seguridad ciudadana, Thomson Reuters Aranzadi, Pamplona, 2023.

Sophie Antoun Antoun — Fri, 14 Mar 2025 00:00:00 +0100

Empresas urbanas mixtas no ámbito local. Unha nova perspectiva tras a crise sanitaria

Juan Alemany Garcías — Mon, 17 Mar 2025 00:00:00 +0100

As sociedades municipais mixtas no ámbito urbano creáronse, a xuízo unánime da doutrina consolidada, como alternativa á xestión urbanística das sociedades de capital plenamente público. Non obstante, na práctica non tiveron o éxito esperado, sobre todo no ámbito urbano, debido á participación do sector privado, cuxos resultados foron moitas veces confusos, sendo a participación privada un verdadeiro obstáculo para os obxectivos urbanísticos, mesturando réximes xurídicos, que dificultaron na práctica a xestión urbanística que inicialmente lles fora encomendada. A era post-COVID debería servir para reflexionar sobre a colaboración público-privada institucionalizada, especialmente nos ámbitos da rexeneración, rehabilitación e renovación urbana.

A Defensoría Veciñal e o seu papel garante do bo goberno local

Jaime Clemente Martínez — Fri, 14 Mar 2025 00:00:00 +0100

Este traballo versa sobre a utilidade que ten na Administración local a creación dunha Defensoría Veciñal, como unha ferramenta para previr actuacións arbitrarias que poidan levar a cabo o executivo municipal. Abórdase a regulación que permite a súa creación e como iso se viu ampliado pola lexislación autonómica. Así mesmo, estúdase o réxime xurídico de designación das defensorías, as competencias asignadas e os recursos que se puxeron á súa disposición. Todo iso, co obxecto de poñer en valor unha figura que, malia que descoñecida no ámbito local, pode axudar notoriamente a garantir o bo goberno nas entidades territoriais máis próximas á cidadanía.

O protagonismo dos principios xerais no Código italiano de contratos públicos

Maria de los Angeles Fernandez Scagliusi — Fri, 14 Mar 2025 00:00:00 +0100

Sete anos despois da aprobación do Decreto lexislativo número 50, do 18 de abril de 2016, Italia promulgou un novo código de contratación pública: o Decreto lexislativo número 36, do 31 de marzo de 2023. O código destaca tanto polo seu contido innovador como polo seu proceso de aprobación particular. Este estudo pretende analizar un dos cambios máis importantes incorporados pola norma: a inclusión do catálogo de principios xerais que deben guiar a contratación pública e o comportamento dos que operan no sector, prestando especial atención á función que cumpre cada un deles e como deben relacionarse entre si.

A ideoloxía da perspectiva de xénero

Ignacio Álvarez Rodríguez — Fri, 14 Mar 2025 00:00:00 +0100

Este traballo é unha reflexión en voz alta, desde o dereito constitucional, acerca dun concepto tan brumoso e controvertido como a perspectiva de xénero. Analízase en primeiro termo o concepto en canto noción pretendidamente xurídica, cuxo estudo transloce unha confusión e indeterminación notorias. En segundo lugar, estúdase como se introduciu esta noción na lexislación igualitaria máis recente. En terceiro lugar, abórdase o concepto na medida en que fixo acto de presenza nalgunhas sentenzas constitucionais, especialmente nalgúns votos particulares. Finalízase cunha reflexión de fondo sobre o problemático da noción desde a óptica constitucional.

Temos balas de prata contra a corrupción na contratación pública?

Ricardo Rivero Ortega — Fri, 14 Mar 2025 00:00:00 +0100

A persistencia da corrupción na contratación pública demostra o fracaso das medidas adoptadas ata agora. A súa insuficiencia explica as exixencias antifraude adicionais na execución dos fondos do plan de recuperación, así como unha nova proposta de directiva sobre corrupción. Este artigo cuestiona que tales reformas legais sexan efectivas sen as ferramentas de intelixencia artificial, aínda que tampouco nos achegarán “balas de prata” se non cambiamos a estratexia regulatoria.