Curso de verán sobre aspectos urbanísticos do turismo

Resumo

A Escola Galega de Administración Pública xunto co Concello de Sada e a Universidade da Coruña organizaron conxuntamente estas xornadas que tiveron lugar no auditorio da Casa da Cultura do concello de Sada, que permitiu o seu desenvolvemento de maneira descentralizada, fóra da sede central da EGAP en Santiago de Compostela, os días 18 e 19 de xullo de 2001. As xornadas contaron cunha nutrida asistencia de máis de trescentas persoas. Durante a súa duración, destacados relatores galegos e españois, expresaron as súas posturas sobre esta importante materia, cunha gran transcendencia na actualidade, e máxime na época e no lugar no que se levaron a cabo.