Os fundamentos da autonomía de Galicia

Resumo

O Estatuto de Autonomía para Galicia establece no seu artigo 10 que Galicia, nacionalidade histórica, se constitúe en Comunidade Autónoma para acceder ó seu autogoberno. Resulta pois esencial discerni-lo sentido da expresión «autogoberno» para comprende-lo contido e dimensión da natureza política do poder da nosa Comunidade Autónoma. Para iso tentarei, acudindo á xurisprudencia do Tribunal Constitucional español, analiza-los principais puntos de fricción que entre o poder do Estado e da Comunidade Autónoma galega se teñen suscitado, e que poden servir para clarifica-la noción de autogoberno.