Xornadas sobre a administración electrónica: oportunidades e desafíos para os entes territoriais

Resumo

Os temas que foron obxecto de exposición e debate nestas xornadas tiveron como propósito reflexionar sobre algúns aspectos dos problemas que deberán afronta-las administracións públicas para aproveitalo potencial das tecnoloxías da información e do coñecemento (TICs) na organización e funcionamento das administracións públicas, de xeito que se sitúen como organizacións prestadoras de servicios de calidade, eficaces e eficientes e en continua adaptación ós cambios para responder ás necesidades sociais nas mellores condicións posibles.