Notas en torno ao actual proceso de revisión e reforma da Lei 4/1995, do 24 de maio, de Dereito Civil de Galicia

Resumo

Resulta indiscutible que, na que poderiamos denominar como experiencia xurídica galega a vixente Lei 4/1995, do 24 de maio, de Dereito Civil de Galicia (en adiante LDCG) sinala moi tardiamente, se non o máis importante, desde logo, un dos seus referentes máis significativos. A mencionada lei, que, como é sabido, non é a única disposición que constitúe o corpo normativo do Dereito Civil de Galicia, preséntase como a súa norma básica, por establecer na actualidade o marco normativo referencial do ordenamento xurídico-civil galego.