O artigo 51, apartados 1 e 2 da Constitución española, e o seu desenvolvemento na Comunidade Autónoma de Galicia

Resumo

Entendemos, con Javier Salas, por defensa dos consumidores e dos usuarios "aquel conxunto de institutos xurídicos tendentes á protección da saúde e da seguridade e, en xeral, ós intereses económicos dos consumidores, así como á reparación dos danos causados ós mesmos na condición de tales, ó recoñecemento dos seus dereitos á información e educación na materia do consumo e á organización en asociacións que os representen e sexan oídas nos procedementos de elaboración das disposicións que lles afecten". O obxecto das presentes liñas é o de, partindo da delimitación constitucional do dereito, traer a colación as súas concrecións recentes no dereito autonómico de Galicia.