Responsabilidade patrimonial das administracións públicas

Resumo

A aparición no noso Ordenamento xurídico da nova e polémica Lei 30/1992, de réxime e procedemento común, suscitou xa numerosos comentarios críticos na doutrina, que consideran tamén a nova regulación establecida para a responsabilidade patrimonial das administracións públicas. E algo similar ocorre coa normativa de desenvolvemento (R.D. 429/1993) reguladora dos procedementos nesta materia. Faltaba, sen embargo, unha obra que, de maneira global e cun enfoque práctico aínda que non excluinte das consideracións teóricas e categoriais, abordase en conxunto toda a problemática do instituto resarcidor público. Tal como nos ten afeitos en tantos outros sectores do noso ordenamento, Xesús González Pérez cubriu venturosamente esta necesidade.