Xornadas de ordenación do litoral

Resumo

A apertura das xornadas correspondeulle a Domingo Bello Janeiro, director da Escola Galega de Administración Pública, que destacou como obxectivos fundamentais das xornadas: promove-lo coñecemento do novo modelo de ordenación e xestión do litoral marítimo que está a poñer en funcionamento a Comisión Europea, e que xa está a conseguir notables éxitos en Francia; así como analiza-la incidencia que ten en sectores estratéxicos como o turismo, as actividades portuarias e a protección ambiental dos recursos costeiros.