I xornadas sobre o pacto local

Resumo

No salón de actos da Escola Galega de Administración Pública, tiveron lugar, os días 24 e 25 de maio de 2000, as primeiras Xornadas sobre o Pacto local, dirixidas polo profesor José Luís Carro Fernández-Valmayor e coordinadas polo profesor Antonio Javier Ferreira Fernández. As ditas xornadas pretenderon iniciar unha reflexión académica sobre os importantes problemas técnicos que establece o desenvolvemento do chamado «Pacto local»; reflexión que intenta servir de axuda a tódolos interesados en tan importante temática, singularmente ós responsables institucionais chamados a negocia-los distintos aspectos do citado pacto e ós membros das corporacións locais en xeral.