Obxectivos, principios e perspectivas da política comunitaria dos contratos públicos

Resumo

As institucións da Comunidade Europea trataron, con especial atención, o "sistema de contratación pública". Digamos, dende o primeiro momento, que este sistema pretende abarcar un conxunto de fórmulas ou técnicas de negociación contractual que normalmente se producen entre as administracións públicas -entendidas máis no sentido dos poderes públicos- e persoas, empresas ou particulares, para levar a cabo obras e servizos públicos, subministracións, consultoría ou asistencia e outros servizos.