Apuntes sobre las leyes de extranjería del año 2000

Resumo

Neste momento atopámonos con dúas leis orgánicas sobre dereitos e liberdades dos estranxeiros en España e a súa integración social, Lei orgánica 4/2000, do 27 de xaneiro e Lei orgánica 8/2000 do 22 de decembro, a segunda de modificación profunda da primeira. O resultado é que estamos ante un barullo normativo composto por: preceptos da Lei 4/2000 non modificados pola Lei 8/2000, vixentes por tanto; preceptos da Lei 4/2000 modificados pola Lei 8/2000, derrogados por tanto; preceptos inexistentes na Lei 4/2000 que aparecen ex novo na Lei 8/2000, incorporándose a aquela e preceptos da Lei 8/2000 que tecnicamente non modifican nin se incorporan á Lei 4/2000.