A consideración dinámica da Xunta de Galicia: Funcionamento do Consello e procedementos do executivo

Abstract

Unha materia que, tanto política como xuridicamente, se presenta como de importancia destacable é a dos criterios ordenadores dos traballos do goberno galego. O lexislador autonómico optou sen embargo por remiti-la regulación desta cuestión no artigo 9 da Lei da Xunta e do seu presidente ós acordos internos do consello, para artella-las normas internas «que se precisen para a boa orde dos traballos e para a adecuada preparación dos acordos que deban de adoptarse, mediante un regulamento de réxime interior que haberá de axustarse ós termos da presente lei».