Sobre os efectos da sentencia do tribunal constitucional 164/ 2001, do 11 de xullo, na lexislación urbaníst1ca española

Resumo

Como fiel pasaxeira dunha longa viaxe que aínda non chegou ó seu punto de destino, non podo resistirme a manifesta-lo meu sincero asombro ante a resposta dada polo Tribunal Constitucional na Sentencia 164/2001, do 11 de xullo, ós recursos de inconstitucionalidade promovidos contra a Lei 6/1998, do 13 de abril, sobre réxime do solo e valoracións [en adiante, LRSV]l. A comparación resulta clara se recordámo-los distintos camiños, sendas e incluso atallos polos que se foi introducindo a lexislación urbanística española e tódolos que dalgunha forma nos embarcamos neste traxecto.