A lei de cooperativas de Galicia

Abstract

A análise da Lei de cooperativas de Galicia, Lei 5/1998 do 18 de decembro, que entrou en vigor en marzo de 1999 segundo a súa Disposición Final número 1, coincidindo practicamente no tempo coa normativa propia neste sector de Andalucía, Valencia, Estremadura, Aragón e Madrid, necesariamente ten que comezar salientando a profunda alteración do marco normativo vixente sobre a materia como consecuencia da entrada en vigor non soamente desta lei senón tamén posteriormente da Lei estatal 27/1999, do 16 de xullo, de cooperativas, o que ofrece un tema de análise e reflexión sobre o propio modelo cooperativo, que, polo seu interese, convén destacar dende o principio.