Consideracións á STC 159/2001 do 5 de Xullo: a inercia xurisprudencial sobre a aprobación definitiva do planeamento urbanístico

Resumo

A lectura da Sentencia do Tribunal Constitucional 159/2001, do 5 de xullo sobre determinados preceptos do Decreto lexislativo 1/1990, do 12 de xullo, polo que se aproba o texto refundido das disposicións legais vixentes en Cataluña en materia urbanística, lévame a reflexionar se acaso estamos diante de novos atentados a principios constitucionais froito desa inercia, moitas veces, atemporal, como sucede no caso do urbanismo, máis concretamente, nas políticas ou opcións de ordenación vixentes en cada lugar e en cada momento en relación coa autonomía municipal