Repertorios de participación cidadá online: o caso de Corea do Sur e a conformación da xeración 2030

Resumo

A chamada xeración 2030 -en referencia á mocidade entre os 20 e 30 anos de idade- comezou a emerxer como unha forza social destacada cando evidenciou a forma de aproveitar ao máximo as oportunidades que ofrecía internet, en principio, no plano non-político, pasando despois a conformar un grupo cohesivo e involucrado de forma activa na axenda de políticas públicas de Corea do Sur. O obxectivo é examinar o modo en que esta mocidade foi facendo de internet un espazo para a práctica política e se foi constituíndo nun actor relevante no campo político surcoreano, contrapoñéndose co desinterese pola política e as súas manifestacións que comunmente se atribúe á mocidade.

Palabras chave:

Internet, política, participación cidadá, Corea do Sur, mocidade