O acceso á propiedade ou a outras formas de gozo da vivenda protexida: que problemas se presentan na práctica e que solucións poderían ser factibles

Abstract

O presente artigo é, en boa medida, a transcrición das ideas que expuxen na Universitat de Barcelona sobre a mesma materia e baixo o mesmo título. O obxectivo fundamental é, desde unha óptica contractual, identificar os principais problemas que na práctica presenta a vivenda protexida e as solucións que se poderían poñer en práctica. Como conclusión creo que se debe destacar, a grandes trazos, a necesidade de fomentar unha nova lexislación que contemple claramente a vivenda como un dereito subxectivo, é dicir, non confundir política de vivenda con política financeira de acceso á vivenda, aínda que poidan interferirse.

Keywords:

vivenda protexida, dereito á vivenda, política de vivenda