As augas termais en Ourense. Fonte de desenvolvemento urbanístico e renovación urbana

Abstract

As augas termais de Ourense son un recurso natural de incalculable valor xa utilizado en tempos prerromanos.Ourense é a segunda cidade de Europa con maior número de emanacións e maior caudal. Neste traballo analizamos a transformación urbanística da cidade nos últimos anos, centrándonos principalmente nas zonas das Burgas e das Caldas, estudando o plan vixente en cada momento, as medidas de protección adoptadas, e as actuacións de renovación urbana que se levaron a cabo nestes ámbitos estreitamente relacionados coas augas termais. Así mesmo, analízase a estratexia a seguir tanto no desenvolvemento urbanístico da cidade ligado ás augas termais como na conservación e promoción destas.

Keywords:

auga, termalismo, desenvolvemento, posta en valor, protección, recurso, urbanismo.