Cursos

Dentro do campo de traballo dos técnicos está o cálculo da eficiencia enerxética e a formulación de propostas para a súa mellora, incluída unha análise económica sobre as mesas e unha programación dos traballos que se deben desenvolver para lograla.
No caso das entidades públicas como concellos, o consumo enerxético non procede só dos edificios, senón que unha parte moi importante vén da iluminación, os equipos de tratamento e depuración das augas, e doutro tipo de instalación de titularidade municipal. A necesidade de diminuír os gastos en organismos públicos fai que sexan precisos profesionais capaces de avaliar o consumo enerxético dos equipamentos e instalación e ofrecer solución para logralo dun xeito mais económico e eficaz. Por outro lado, os técnicos municipais deben ter os coñecementos precisos para preparar os pregos de condicións para a licitación de contratos de auditoría enerxética das instalación dos seus concellos.
Tendo en conta esta necesidade, o Colexio de Enxeñeiros de Camiños, Canais e Portos de Galicia, a través deste curso, quere dar aos técnicos as ferramentas que lles permitan realizar estes traballos e ofrecer unha solución que supoña un aforro a entidades como os concellos. Tamén os técnicos municipais deben saber cómo mellorar a eficiencia das instalacións das que son responsables.