Autoformación
-
A autoformación oriéntase cara á adquisición de coñecementos e habilidades de xeito autónomo, pois a persoa participante asume un papel activo no proceso de aprendizaxe a través do emprego das tecnoloxías da información e da comunicación. Ao mesmo tempo, esta modalidade permite achegar as actividades da Escola a un maior número de persoas ao servizo da Administración, especialmente a aquelas que, por barreiras xeográficas ou razóns de conciliación, non poden optar pola modalidade presencial. Ademais, con este programa procúrase unha maior independencia do alumnado para elaborar o seu propio plan de aprendizaxe, sen o condicionamento dos prazos. O persoal da Administración que desexe participar no programa de autoformación dispón de dúas opcións, compatibles entre elas pero independentes unha da outra. Por unha banda pode acceder aos contidos das actividades sen máis trámite que o de inscribirse na zona de matrícula da EGAP e por outra pode solicitar presentarse ás probas de avaliación. Polo tanto, o acceso aos contidos non implica a obriga de presentarse ás probas de avaliación, nin é tampouco requisito para matricularse nelas.
Para consultar a convocatoria no DOG, prema aquí.PREGUNTAS FRECUENTES1. Que é o programa de autoformación da EGAP?A autoformación é unha modalidade formativa en liña sen titorización na que o alumnado pode certificar os seus coñecementos nunha materia a través dun exame. Para facilitar a adquisición de coñecementos o alumnado ten acceso a unha aula virtual cos contidos da materia e cuestionarios de autoavaliación. Non existe un calendario para completar as actividades nin o apoio de docentes. Ademais, para presentarse ao exame non é requisito ter accedido aos contidos nin ter realizado as actividades de autoavaliación.
2. A quen van dirixidos os cursos de autoformación?Ao persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e o persoal técnico, de xestión e de administración e servizos (PTXAS) das universidades do Sistema Universitario de Galicia (SUG).
3. Como podo acceder aos contidos de autoformación?Cunha inscrición a través da Zona de matrícula da EGAP (http://egap.xunta.gal/matricula/). Unha vez formalizada a admisión ao curso será automática.
4. Cando me podo inscribir nos contidos de autoformación?Desde o 13 de xuño de 2025 ata o 30 de decembro de 2025.
5. Cantos contidos do programa de autoformación podo solicitar?Non hai un número máximo de solicitudes.
6. Ata cando vou poder consultar os contidos?Ata o 30 de decembro de 2025.
7. Como accedo aos contidos?Unha vez te matricules na Zona de matrícula, poderás entrar a través da Aula Virtual da EGAP (http://egap.xunta.gal/aulavirtual)
8. Contarei co apoio dun titor durante o curso?Non. Os contidos están deseñados para ser completados sen titorización.
9. Obterei un diploma polo acceso aos contidos?Non. Para obter un diploma será preciso matricularse nunha proba de avaliación e superala.
10. Como me matriculo nas probas de avaliación?A través da Zona de matrícula da EGAP (http://egap.xunta.gal/matricula/).
11. Cando poderei matricularme nas probas de autoformación?Desde as 9 h do 3 de xuño de 2025 ata as 14 h do 12 de xuño de 2025.
12. Cantas solicitudes podo facer para as probas de avaliación?Un máximo de catro.
13. Cales son os criterios de selección?Con carácter xeral, a selección realizarase de acordo co previsto nos criterios de participación nas actividades de formación da EGAP.
14. É preciso ter accedido ao programa de autoformación para poder matricularse nas probas de avaliación?Non, son independentes.
15. Como saberei se fun seleccionado para as probas de avaliación?As persoas seleccionadas ou en reserva serán avisadas a través dun correo electrónico e dunha mensaxe ao móbil (é preciso facilitar o número na zona de matrícula). Ademais, as listaxes de persoas admitidas publícanse na páxina web da EGAP.
16. Onde serán as probas de avaliación?Realizaranse en liña, a través da aula virtual da EGAP.
17. Como van a ser as probas de avaliación?Será un exame tipo test cun número de preguntas variable dependendo das horas da actividade. Na proba do alumnado disporá dunha soa tentativa e para superala deberá contestar correctamente como mínimo ao 50 por cento das preguntas. As respostas incorrectas non descontan.
![Acceso al aula virtual [abre en nova venta]](https://egap.xunta.gal/images/menu_lateral/banner_aula_virtual.png)
