Cursos

En abril deste ano cumpríronse 10 anos da aprobación do Estatuto Básico do Empregado Público. O devandito texto legal non só constituíu o último fito da evolución da Función Pública no noso país senón que estableceu unha serie de innovacións no réxime xurídico do persoal ao servizo das administracións públicas (como a avaliación do desempeño, a carreira horizontal, etc.) que apenas si se implantaron pola falta de desenvolvemento lexislativo estatal, autonómico e local do Estatuto básico. Pasado este tempo, resulta conveniente facer balance para analizar os aspectos que si se aplicaron e aqueloutros que están aínda pendentes, identificando as causas deste incumprimento e propoñendo as posibles solucións. Pero tamén é imprescindible abordar outros retos do emprego público en España, como son a xestión pública dos recursos humanos ou a laboralidade e a temporalidade do emprego público.