Cursos

O obxectivo do curso Meteoroloxía, cambio climático e calidade do aire é facilitar aos traballadores da administración autonómica coñecementos prácticos e habilidades técnicas susceptibles de aplicación nos seus postos de traballo, a través dos seus respectivos ámbitos de responsabilidade nos sectores que inciden no medio ambiente.
O desenvolvemento do curso abrangue tres áreas definidas co obxecto de:
Permitir familiarizarse coa aplicación nos traballos técnicos de variables meteorolóxicas e empregar as bases de datos e outras ferramentas que MeteoGalicia ten a disposición.
Facilitar a comprensión de aspectos como o fenómeno do cambio climático, así como, do desenvolvemento normativo que, desde unha escala internacional, compromete aos diferentes países no cumprimento de obxectivos de redución de emisións de gases de efecto invernadoiro. Permitir ao alumno coñecer, entre outras cuestións, a determinación das emisións de gases de efecto invernadoiro mediante a elaboración de inventarios, así como, o funcionamento do mercado de dereitos de emisión e a xestión de diversos mecanismos e principais ferramentas e modelos como base para a adopción de actuacións fronte ao cambio climático.
Proporcionar información sobre cómo se realiza a avaliación da calidade do aire, cómo se interpretan os datos de concentración de contaminantes, qué contaminantes son estudados neste ámbito e qué efectos poden ter sobre a saúde das persoas. Tamén, coñecer as distintas ferramentas existentes a disposición do público para coñecer a calidade do aire no seu contorno.