Cursos

O sector lácteo é un piar fundamental na economía galega que está a sufrir cambios motivados pola desaparición do sistema de cotas e a aplicación do denominado paquete lácteo.
Neste contexto, o curso pretende formar aos técnicos da Xunta relacionados coa transformación e comercialización dos produtos lácteos na normativa que lle é de aplicación ao sector; dun xeito especial a relacionada coa súa etiquetaxe.
Tamén servirá o curso para analizar os distintos procesos de transformación, en especial os orientados á obtención de produtos elaborados de maior valor engadido. Abordarase tamén o estudo das diferentes denominacións de orixe e outros distintivos de calidade existentes.