O novo Regulamento (UE) 2016/679, relativo á protección das persoas físicas no que atinxe ao tratamento de datos persoais e á libre circulación destes datos e polo que se derroga a Directiva 95/46/CE (Regulamento xeral de protección de datos), vai superar o marco definido pola lexislación española na materia (Lei Orgánica 15/1999, do 13 de decembro, de Protección de Datos de Carácter Persoal e Real Decreto 1720/2007, do 21 de decembro, polo que se aproba o seu Regulamento de desenvolvemento). Aínda que o Regulamento so será aplicable a partires do 25 de maio de 2018 atópase xa vixente, e por mor da súa primacía e efecto directo sobre a normativa interna sen necesidade de transposición, a Administración precisa irse adaptando axiña a este novo marco regulador, de xeito que o seu persoal necesita coñecer esta disposición xeral e horizontal para preservar correctamente os dereitos básicos no eido do tratamento dos datos dos administrados en xeral.
SANTIAGO |