Cursos

O Programa Nacional de Reformas español (PNR) de 2014, presentado perante a UE, anunciaba a aprobación da que hoxe é a Lei 39/2015, do 1 de outubro, do Procedemento Administrativo Común das Administracións Públicas, como ferramenta indispensable para a urxente modernización da economía do país. Esta medida anunciábase xunto coa que sería a Lei 40/2015, da mesma data, de Réxime Xurídico do Sector Público, así como a modificación da Lei 38/2003, Xeral de Subvencións, operada fundamentalmente pola Lei 15/2014, do 16 de setembro, de racionalización do Sector Público e outras medidas de reforma administrativa –que introduciu a Base de Datos Nacional de Subvencións-, e máis pola devandita Lei 40/2015, de Réxime Xurídico do Sector Público. Deste xeito, toda a nova lexislación administrativa básica do noso Ordenamento ha encadrarse nesta liña de mellora da eficiencia na xestión pública, polo que cómpre coñecer os condicionantes europeos que a explican e contribúen a súa axeitada interpretación e aplicación.