Cursos

O presente curso ten por obxecto o estudo de tres técnicas de auto-organización e de colaboración ás que habitualmente recorren as Administracións públicas, en particular, a Administración da Comunidade Autónoma de Galicia, para o exercicio das súas funcións: convenios de colaboración, encargos a medios propios e encomendas de xestión. Primeiro, a Lei 40/2015, do 1 de outubro, de Réxime Xurídico das Administracións Públicas e, recentemente, a Lei 9/2017, de 8 de novembro, de Contratos do Sector Público, introduciron importantes novidades na súa regulación, resolvendo, en parte, a inseguridade xurídica existente ata o momento. Sen embargo, continúan sendo moitas as dúbidas que xorden respecto das devanditas figuras, derivadas dunha disciplina aínda insuficiente, ás que se tratará de dar resposta nos diferentes temas que integran o programa.