Cursos

A planificación financeira configúrase como unha ferramenta estratéxica esencial para acadar obxectivos de boa xestión. Precisamente, unha función básica da tesourería municipal consiste na formación de plans para puntual satisfacción de obrigas. Ademais, os entes locais deben elaborar diferentes tipos de plans cando se diagnostiquen desequilibrios no aforro neto, remanente de tesourería, etcétera. Neste curso analizaranse aspectos financeiros da planificación estratéxica, a natureza e o marco normativo dos plans económico financeiros, plans de saneamento, plans de axuste e outro tipo de plans das entidades locais, así como o seguimento e control (interno e externo) dos mesmos.