Cursos

Na actualidade, o volume de contratación supón un 16% do PIB da Unión Europea. Non cabe dúbida que o consumo público constitúe un dos ámbitos de maior potencialidade á hora de aplicar políticas de desenvolvemento sustentable, mediante a toma en consideración de criterios de índole ambiental, social e de economía sustentable a través dos procedementos de compra e contratación pública. O principal obxectivo deste curso/taller é facilitar ferramentas aos xestores públicos, para a utilización de criterios éticos e sustentables na contratación pública, a través do amplo abanico de posibilidades que hoxe nos ofrece a Lei 9/2017 de Contratos do Sector Publico, que permiten orientar o contrato cara a obxectivos de política socio-laboral e/ou ambiental durante todas as fases do procedemento: desde a reserva de mercado, requisitos de solvencia, etiquetas ecolóxicas, especificacións técnicas, criterios de valoración das ofertas, ata as condicións especiais de execución dos contratos.