Cursos

O obxectivo xeral é que os/as alumnos/as rematen o curso cunha idea clara de que é a avaliación, e cales son as súas finalidades e aplicacións. Así mesmo, que coñezan as principais tipoloxías e poidan identificar os métodos e técnicas máis axeitados en función dos obxectivos e metas da mesma, así como conducir unha avaliación. Ademais, tamén se pretende introducir aos/ás estudantes nos modelos de calidade adaptados ás Administracións Públicas tanto dentro do Estado como no contexto da Unión Europea. Finalmente o alumnado será quen de identificar a necesidade de levar a cabo a avaliación no seu ámbito profesional e de apreciar as posibilidades de mellora que esta práctica pode aportar ao desenvolvemento do seu traballo dentro da Administración.