Proporcionar coñecementos sobre os fundamentos das diferentes etapas de preparación de mostra para a análise de compostos orgánicos, principalmente de contaminantes químicos e biotoxinas mariñas, así como para a análise de metais en mostras ambientais e alimentarias. Profundarase na etapa de pretratamento de mostra: liofilización, homoxeneización, adición de conservantes, etc. No caso dos contaminantes orgánicos tamén se tratará da etapa de extracción mediante as técnicas clásicas como o Soxhlet, Soxtec, ou as máis recentes como a extracción por fluídos supercríticos (SFE), extracción con líquidos presurizados (PLE), extracción asistida por microondas (MASE), etc. Tamén se capacitará na miniaturización das técnicas de extracción (micro-MSPD, microextracción líquido-líquido dispersiva, microextracción en fase sólida (SPME), etc) con obxecto de reducir tanto os tempos de extracción como o tamaño das mostras e os volumes dos disolventes de extracción. Por último farase un repaso sobre as diferentes técnicas de purificación do extracto (GPC, columnas multilayer, etc) antes de introducilo no sistema cromatográfico. En relación á análise de metais, profundarase nas distintas técnicas de dixestión antes da introdución das mostras nos equipos espectroscópicos.
VILAXOAN |