Cursos

Os extraordinarios avances tecnolóxicos dos últimos anos xeraron a irrupción da denominada «intelixencia artificial», que se está a introducir en todos os sectores empresariais, así como na Administración, o que fai necesario abordar a súa regularización. Actualmente estase a tramitar unha proposta da Comisión Europea de Regulamento sobre intelixencia artificial que abordará os seus principais aspectos xurídicos no marco da Unión Europea.

Neste curso tratarase o uso que, na actualidade, fai o sector público da intelixencia artificial como soporte para tomar decisións que deben ser obxecto de control e impugnación, analizando particularmente o caso da Administración local. Ademais, abordaranse aspectos relacionados coa propiedade industrial e intelectual, como a titularidade das obras e invencións xeradas pola intelixencia artificial no ámbito da Administración pública.