Cursos

A prevención da fraude, a corrupción e os conflitos de interese configúrase como un principio fundamental a respectar na xestión dos fondos do Plan de Recuperación, Transformación e Resiliciencia. A protección deste principio instruméntase a través dos plans de medidas antifraude que deben elaborar e aprobar as distintas entidades que participen na xestión destes fondos. A maiores, na súa condición de principios de xestión, os plans deberán incluír medidas para evitar o dobre financiamento e para garantir o cumprimento da normativa vixente en axudas de Estado.
O obxectivo do curso concrétase en poñer a disposición dos alumnos os conceptos, normas e procedementos necesarios para a elaboración dun plan de medidas contra a fraude que permita dar cumprimento ás esixencias da normativa comunitaria nesta materia.