Cursos

O obxectivo principal no curso é afondar no réxime xurídico da revisión dos actos en vía administrativa previsto na recente Lei 39/2015, do 1 de outubro, do procedemento administrativo común das administracións públicas (LPAC) e nas novidades máis destacadas introducidas nesta materia.
O estudo centrarase nos diferentes mecanismos de reacción que prevé o ordenamento xurídico para garantir o sometemento da actuación das Administracións públicas á Lei e ao Dereito. Analizaranse as distintas clases de recursos administrativos, os seus trámites, prazos e efectos, así como as cuestións relativas á revisión de oficio dos actos administrativos e demais institucións xurídicas relacionadas coa anterior, sempre dende una perspectiva práctica, con referencias á importante doutrina xurisprudencial na materia e coa finalidade de aplicar os coñecementos adquiridos á resolución de supostos prácticos.