Cursos

IMPORTANTE:
• O número de actividades de formación continua en materia de idiomas limítase a tres (3).
• Se tes dúbidas sobre o nivel existe unha proba de nivel orientativa nos idiomas: en lingua inglesa, lingua francesa, lingua alemá e lingua portuguesa no enderezo https://egap.xunta.gal/aulavirtual/
• Na modalidade de teleformación só se pode matricular nun nivel de cada idioma ofertado.
• Se se detecta máis dun nivel solicitado en cada idioma na modalidade de teleformación acéptaselle no nivel máis baixo e exclúeselle no/os outros niveis.
• Non se pode solicitar o mesmo nivel cursado na anterior convocatoria.


Os contidos do nivel 11 Upper-Advanced de myEnglish corresponden á primeira parte do nivel C1 do MCER. Entre outras funcións, o alumno / alumna aprende a facer entender o seu punto de vista, a mostrar comprensión, a establecer unha boa relación e mostrar interese, a responder as críticas e a usar linguaxe imprecisa.
O alumno / a alumna aprende, entre outras cousas, a describir experiencias interculturais, falar de prácticas de traballo, sacar adiante os seus obxectivos, manexarse coas conversacións en reunións e participar en teleconferencias.
Ademais, revisa os tempos verbais, aprende como especular sobre o futuro, engadir énfase usando a técnica do fronting, oracións fragmentadas e adverbios, e facer referencias usando pronombres, ademais doutras estruturas importantes.