Cursos

IMPORTANTE:
• O número de actividades de formación continua en materia de idiomas limítase a tres (3).
• Se tes dúbidas sobre o nivel existe unha proba de nivel orientativa nos idiomas: en lingua inglesa, lingua francesa, lingua alemá e lingua portuguesa no enderezo https://egap.xunta.gal/aulavirtual/
• Na modalidade de teleformación só se pode matricular nun nivel de cada idioma ofertado.
• Se se detecta máis dun nivel solicitado en cada idioma na modalidade de teleformación acéptaselle no nivel máis baixo e exclúeselle no/os outros niveis.
• Non se pode solicitar o mesmo nivel cursado na anterior convocatoria.


Os contidos do nivel 5 Intermediate de MyEnglish corresponden á primeira parte do nivel B1 do MCERL. Entre outras funcións comunicativas, o alumno / a alumna aprende a falar sobre a preparación da comida, a pedir comida nun restaurante, a falar sobre viaxes e vacacións, e a organizar plans con amigos. Adicionalmente, estuda expresións para describir persoas, pertenzas, e acontecementos.
O alumno / a alumna aprende, entre moitas outras cousas, a expresarse en present perfect (‘We’ve worked’), en voz pasiva, tanto en pasado como en presente (‘Oranges are grown in Valencia’), os pronombres indefinidos (somebody, anyone, everywhere, etc.) e as oracións de relativo especificativas (‘That’s the girl my brother’s going out with’). Tamén estuda vocabulario relacionado con alimentos, automóbil, internet, tecidos, diferenzas entre inglés británico e americano, e moitos máis contidos.