Cursos

As liñas eléctricas de alta tensión son unha causa potencial de mortalidade para moitas especies de aves, especialmente para aquelas de tamaño corporal mediano e grande. A crecente demanda de enerxía eléctrica leva ao incremento do número de liñas eléctricas instaladas no medio natural, co conseguinte risco de electrocución ou de colisión das aves nas ditas infraestruturas. A electrocución e a colisión coas estruturas de condución eléctrica están entre as principais causas de mortalidade non natural máis frecuentes na avifauna, ata o punto de supoñer actualmente o maior problema de conservación para diversas especies de grandes rapaces.
A formación do persoal de campo e técnico nas técnicas de caracterización da perigosidade de lectrocución para avifauna e nos sistemas de corrección dos tendidos eléctricos para a protección da avifauna revélase como unha ferramenta imprescindible para a correcta aplicación da normativa nesa materia e dos protocolos de traballo derivados da interpretación desa normativa