Cursos

O sistema de Certificados de Aforro Enerxético (CAE) é unha iniciativa novidosa que impulsa a eficiencia enerxético e o aforro de enerxía en varios sectores, entre eles o sector público.
Un CAE é un documento electrónico que garante que se conseguiu un aforro de 1 kWh de enerxía ao ano, o que incentiva o investimento en medidas de eficiencia e contribúe á redución de emisións de CO2.
A Xunta de Galicia pode monetizar os aforros enerxéticos logrados nun ano, cedéndoos a empresas enerxéticas (suxeitos obrigados e suxeitos delegados) e recuperando parte do custo dos investimentos en eficiencia enerxética realizados nesas actuacións.
Entre os obxectivos do curso figuran divulgar o marco normativo e regulamentacións aplicables aos CAEs para que os distintos órganos de contratación do sector público autonómico e da Administración local coñezan as posibilidades de monetizar as actuación de aforro enerxético que desenvolvan no seu ámbito competencial.