Cursos

NOTAS IMPORTANTES!
• O número máximo de actividades de formación continua, en materia de idiomas, que se pode solicitar limítase a tres (3). Non se pode solicitar o mesmo nivel cursado na anterior convocatoria.
• Na modalidade de teleformación só se pode matricular nun nivel de cada idioma ofertado. En caso de detectarse máis dun nivel solicitado en cada idioma na modalidade de teleformación, acéptaselle no nivel máis baixo e exclúeselle no/os outros niveis.
Os contidos do nivel 10 Advanced Plus de MyEnglish corresponden á segunda parte do nivel B2 do MCERL. Entre outras funcións, adquírense as habilidades de falar de problemas e solucións, expresar arrepentimento, pedir algo prestado, e conversar sobre contos e a literatura.
Apréndese, entre moitas outras cousas, e a través de distintas situacións e personaxes, a expresarse en todas as formas condicionais (‘If they’d left home later, they’d have missed the bus’), en future perfect (‘The train won’t have left yet’), verbos de suposición e de percepción (look, sound, feel, taste, etc.) e o estilo directo. Tamén se estuda vocabulario relacionado con formas de goberno, negocios, hospitais, delitos, expresións con off, phrasal verbs, expresións con get e moitos máis contidos.