Cursos

Os obxectivos do curso son dotar ás persoas destinatarias dos coñecementos e ferramentas necesarias para comprender, participar e contribuír ao deseño, desenvolvemento e seguimento de procesos de planificación estratéxica, orientados a mellorar a acción pública e a capacidade das organizacións para responder os retos da contorna.

O curso busca reforzar a capacidade técnica das administracións locais para analizar o seu contexto, definir prioridades e traducir as estratexias institucionais en actuacións concretas, planificadas e avaliables.

Ao finalizar o curso as persoas participantes serán capaces de:
• Comprender os fundamentos da planificación estratéxica e a súa utilidade para orientar a acción pública.
• Identificar os principais actores e grupos de interese relevantes para a acción pública local e considerar as súas necesidades e expectativas.
• Realizar un diagnóstico estratéxico da organización mediante a análise da contorna e das capacidades internas.
• Comprender as fases e elementos que estruturan un proceso de planificación estratéxica nas administracións públicas.
• Formular misión, visión e obxectivos estratéxicos coherentes coas prioridades institucionais.
• Definir liñas estratéxicas, actuacións e proxectos que permitan concretar a estratexia.
• Deseñar plans de acción con indicadores e mecanismos de seguimento que faciliten a implementación e avaliación do plan estratéxico.
• Coñecer instrumentos de dirección e seguimento do plan, así como ferramentas para a identificación e xestión de riscos.

Completada a formación as persoas participantes disporán dunha visión clara e práctica de como estruturar e xerarquizar un plan estratéxico, así como das competencias necesarias para realizar análises estratéxicas, concretar actuacións e contribuír ao desenvolvemento e seguimento dos plans estratéxicos no ámbito da Administración local.