Cursos

O obxectivo primordial do curso é o de perfeccionar os coñecementos dos asistentes sobre o financiamento das entidades locais, e sobre a xestión dos tributos locais e da recadación municipal.
Perséguese mellora-los coñecementos dos asistentes no ámbito impositivo, realizando unha revisión dos distintos tipos de ingresos tributarios.
Téntase coñece-la nova regulación do catastro inmobiliario e as novidades que atinxen ós impostos municipais de bens inmobles, de actividades económicas, de vehículos de tracción mecánica, de construcións, instalacións e obras e de incremento do valor de terreos de natureza urbana; sen esquecer analiza-la participación das corporacións locais nos tributos do Estado e estuda-las repercusións da Lei Xeral e do novo Regulamento de estabilidade orzamentaria na área económica das entidades locais e a súa incidencia na regulación dos recursos nas facendas locais.