Cursos

O obxectivo do curso “Cambio climático e desenvolvemento sostible” é facilitar aos traballadores da administración autonómica os coñecementos prácticos e as habilidades directivas necesarias para facer fronte aos retos complexos e cambiantes do desenvolvemento sostible e o cambio climático nos seus respectivos ámbitos de responsabilidade nos sectores que inciden no medio ambiente.
O programa marco galego do cambio climático 2010-2020 fixa unha serie de actuacións tanto de reducción de emisións de gases de efecto invernadoiro como de deseño de guías de adaptación baseadas nas evidencias atopadas e nos impactos esperados que fan necesaria a presencia de funcionarios que podan impulsar o seu desenvolvemento e saiban deseñar as medidas máis eficaces para facer fronte a este fenómeno global.