Cursos

A divulgación e análise do novo marco xurídico introducido pola Lei 9/2007, do 13 de xuño, de subvencións de Galicia, e a súa imbricación coa Lei estatal 38/2003, do 17 de novembro, xeral de subvencións, en especial en relación cos novos regulamentos comunitarios en materia de axudas de estado. Solventar as dúbidas de interpretación e integración de ambos os dous textos legais, entre si e coa normativa comunitaria, tanto sectorial como procedemental. Examinar as peculiaridades das subvencións correntes e das subvencións de capital. Mellorar a técnica para a redacción e desenvolvemento das bases regulamentadoras, con especial relevancia no procedemento de concesión.