Cursos

O obxectivo do curso “Cambio climático” é facilitar aos traballadores da administración autonómica coñecementos prácticos e habilidades técnicas susceptibles de aplicación nos seus postos de traballo, permitindo incluso, facer fronte aos retos complexos do cambio climático a través dos seus respectivos ámbitos de responsabilidade nos sectores que inciden no medio ambiente.
Facilitará a comprensión do fenómeno do cambio climático, así como, do desenvolvemento normativo que, desde unha escala internacional, compromete aos diferentes países no cumprimento de obxectivos de redución de emisións de gases de efecto invernadoiro. Permitirá ao alumno a coñecer, entre outras cuestións, a determinación das emisións de gases de efecto invernadoiro mediante a elaboración de inventarios, así como, o funcionamento do mercado de dereitos de emisión e a xestión de diversos mecanismos e principais ferramentas e modelos como base para a adopción de actuacións fronte ao cambio climático.