O presente curso pretende ser unha toma de contacto dos profesionais das bibliotecas públicas de Galicia coas posibilidades que ofrece a dixitalización para o seu catálogo de servizos.
Ao longo do curso intentaremos achegarnos de forma sinxela ás recomendacións de boas prácticas que debe de seguir todo proxecto de dixitalización e ás normativas e estándares internacionais que é preceptivo aplicar para lograr a maior visibilidade posible a través dos grandes programas de dixitalización nacionais e internacionais.
Tamén nos aproximaremos ao proxecto de Galiciana como vía integradora e de difusión dos distintos proxectos de dixitalización en Galicia e centrarémonos, fundamentalmente, en como dende unha biblioteca pública se podería contribuír ao enriquecemento da colección da Biblioteca Dixital de Galicia.
Por último trataremos de mostrar as posibilidades que Galiciana e os grandes agregadores a nivel nacional e europeo (Hispana e Europeana) poden ofrecer para satisfacer as necesidades de información dos usuarios das bibliotecas públicas e veremos algúns exemplos dos proxectos de dixitalización máis destacados que se fan actualmente coa participación de bibliotecas públicas.
SANTIAGO |