Cursos

A aprobación do Decreto 198/2010, de 2 de decembro , polo que se regula o desenvolvemento da Administración electrónica na Xunta de Galicia e nas entidades dela dependentes, supón un cambio organizativo substancial, xa que ordena o proceso de desenvolvemento dos servizos electrónicos e desenvolve, no ámbito da Comunidade Autónoma de Galicia, o dereito da cidadanía a relacionarse coa Administración pública galega por medios electrónicos
Dentro deste réxime, o capítulo II do Decreto 198/2010, que regula a sede e o rexistro electrónicos, crea a sede electrónica da Xunta de Galicia, instrumento que converte en realidade a posibilidade da cidadanía de relacionarse coa Administración xeral de Galicia coas garantías e dereitos esixidos pola Lei 11/2007, de 22 de xuño , de acceso electrónico dos cidadáns aos servizos públicos.
A sede electrónica da Xunta de Galicia configúrase como a dirección electrónica que asegura a calidade da información, a coherencia na navegación, a procura integrada e a accesibilidade. Igualmente, a sede electrónica debe asegurar a identificación e comunicación seguras, o acceso ao Rexistro Electrónico, ás comunicacións, ás notificacións e aos formularios de solicitude para iniciar os procedementos administrativos ou solicitar a prestación de servizos.
Este curso pretende afondar, desde unha perspectiva técnico-xurídica, na concepción da sede electrónica e dos servizos prestados polas AAPP a través de internet, con especial fincapé na interoperabilidade e nos sitemas de notificación electrónicos. Os contidos do programa enfocarán desde distintas perspectivas os conceptoa s tratar, para que os destinatarios adquiran e perfeccionen os coñecementos teóricos e prácticos complementando a súa formación na materia.