A maior parte do profesorado dos centros pertenence ao corpo especial de enxeñeiros e de enxeñeiros técnicos da Xunta de Galicia, non tendo, na maior parte dos casos, formación no campo da pedagoxía. Esta carencia podería solventarse en parte, impartindo cursos de formación nos que se expoñan as metodoloxías existentes. Ditas metodoloxías terían que ser aplicables ao caso particular das ensinanzas de formación profesional da rama agraria, tendo en conta a especial importancia das clases prácticas e a maior complicación que supón a súa organización e desenvolvemento. O profesorado necesita asimesmo coñecer que estratexias de motivación se poden aplicar, as técnicas de comunicación, como atender á diversidade no alumnado, etc. Por outra banda, o equipo docente dos CFEAs non conta con formación nin persoal de apoio específico para a atención de alumnos con necesidades especiais polo que se precisa formación para intentar subsanar en parte esta situación.
GUISAMO1 |