Cursos

O medre dos fluxos migratorios cara á UE e das solicitudes de asilo e refuxio están xerando unha nova dinámica no seo da Unión que atinxen a piares fundamentais da mesma, como a liberdade de circulación e a solidariedade. Por outra banda, a velocidade e intensidade que están adquirindo estes novos fenómenos, dende a crise xerada cos movementos de poboación cara Europa dende as zonas limítrofes en conflito, aconsella afondar no coñecemento da normativa internacional e da Unión na materia, así como prepararse para dar resposta xurídica e socio-asistencial á situación.